బాలయ్య – కొరటాల కాంబోకు రంగం సిద్ధం

నందమూరి నటసింహం బాలకృష్ణ వరుస విజయాలతో తన కెరీర్‌లో అద్భుతమైన ఫామ్‌లో కొనసాగుతున్నారు. ప్రస్తుతం ఆయన తన 111వ చిత్రంలో నటిస్తుండగా, తదుపరి ప్రాజెక్ట్‌గా దర్శకుడు కొరటాల శివతో కలిసి 112వ సినిమాను చేయనున్న సంగతి తెలిసిందే. ఈ క్రేజీ కాంబినేషన్‌పై ఇప్పటికే అభిమానుల్లో భారీ అంచనాలు నెలకొన్నాయి.

తాజా సినీ వర్గాల సమాచారం ప్రకారం, ఈ చిత్రానికి సంబంధించిన ముహూర్త కార్యక్రమాలు వచ్చే వారం నిర్వహించే అవకాశం ఉందని తెలుస్తోంది. దీనిపై అధికారిక ప్రకటన త్వరలో వెలువడనుందని సమాచారం. భారీ స్థాయిలో రూపొందనున్న ఈ చిత్రాన్ని ‘దేవర’ నిర్మాతలు యువసుధ ఆర్ట్స్‌తో కలిసి ఎస్‌ఎల్‌వీ సినిమాస్ నిర్మించనున్నాయి. ఈ ప్రాజెక్ట్ టాలీవుడ్‌లో అత్యంత ఆసక్తిగా ఎదురుచూస్తున్న చిత్రాల్లో ఒకటిగా నిలిచింది.