ఫౌజీ: నెక్స్ట్‌ అప్‌డేట్‌ ఏంటి?

రెబల్‌ స్టార్‌ ప్రభాస్‌ నటిస్తున్న ఫౌజీ సినిమాపై ఇప్పటికే భారీ అంచనాలు నెలకొన్నాయి. ఆగస్టు 15 స్వాతంత్ర్య దినోత్సవం సందర్భంగా ఈ చిత్రానికి సంబంధించిన గ్లింప్స్‌ లేదా టీజర్‌ విడుదలవుతుందని అభిమానులు ఆశించారు. అయితే ఇప్పటివరకు చిత్ర బృందం నుంచి ఎలాంటి అధికారిక ప్రకటన రాకపోవడంతో ప్రమోషన్‌ ప్లాన్‌పై ఆసక్తి పెరిగింది. లండన్‌ నుంచి రావాల్సిన ఓ కీలక నటుడి వీసా సమస్యల కారణంగా షూటింగ్‌లో జాప్యం జరిగినట్లు సమాచారం.

టీజర్‌లో ఆ నటుడి కీలక సన్నివేశాలను చూపించాలని మేకర్స్‌ భావిస్తున్నట్లు తెలుస్తోంది. అందుకే పూర్తి స్థాయిలో ప్రభావం చూపించే ప్రమోషనల్‌ వీడియోను సిద్ధం చేసేందుకు మరికొంత సమయం తీసుకుంటున్నట్లు సమాచారం. ప్రభాస్‌ ఎలివేషన్‌ విజువల్స్‌తో పాటు లిరికల్‌ సాంగ్‌ను విడుదల చేయాలనే ఆలోచన ఉన్నప్పటికీ, ఫౌజీ ప్రపంచాన్ని నేరుగా ప్రేక్షకులకు పరిచయం చేయాలనే ఉద్దేశంతో ఆ ప్లాన్‌ను పక్కన పెట్టినట్లు తెలుస్తోంది. టీజర్‌ రాకపోయినా ఆగస్టు 15న అభిమానులను ఆకట్టుకునేందుకు ప్రత్యామ్నాయ ప్రమోషనల్‌ సర్‌ప్రైజ్‌కు చిత్ర బృందం సిద్ధమవుతున్నట్లు సమాచారం.