‘ఫౌజీ’లో గాంధీజీ పాత్రపై ఆసక్తి!

పాన్ ఇండియా రెబల్ స్టార్ ప్రభాస్, దర్శకుడు హను రాఘవపూడి కాంబినేషన్‌లో తెరకెక్కుతున్న ‘ఫౌజీ’పై అభిమానుల్లో ప్రత్యేకమైన ఆసక్తి నెలకొంది. హిస్టారికల్ వార్ నేపథ్యంలో రూపొందుతున్న ఈ చిత్రాన్ని మేకర్స్ భారీ స్థాయిలో తెరకెక్కిస్తున్నారు. స్వాతంత్ర దినోత్సవం సందర్భంగా విడుదల చేసిన తాజా పోస్టర్ సినిమాపై మరింత ఆసక్తిని పెంచింది. పోస్టర్‌లో ప్రభాస్‌తో పాటు మరో వ్యక్తి కనిపించడంతో ఆయన ఎవరు అనే చర్చ మొదలైంది. అయితే ఆ పాత్ర గాంధీజీదేనని చాలామంది భావిస్తున్నారు. మేకర్స్ అధికారికంగా ప్రకటించే వరకు దీనిపై పూర్తి స్పష్టత వచ్చే అవకాశం లేదు. ఇదిలా ఉంటే గాంధీజీ పాత్రను బాలీవుడ్ వెర్సటైల్ నటుడు అనుపమ్ ఖేర్ పోషించినట్లు సినీ వర్గాల్లో సమాచారం వినిపిస్తోంది. దీంతో ఈ పాత్రపై కూడా ప్రేక్షకుల్లో ఆసక్తి పెరుగుతోంది.

అనుపమ్ ఖేర్ ఈ సినిమాలో కేవలం వృద్ధాప్య గాంధీజీ పాత్రలోనే కనిపించరని తెలుస్తోంది. ఆయన యుక్త వయసుకు సంబంధించిన కొన్ని కీలక సన్నివేశాలను కూడా హను రాఘవపూడి తెరకెక్కించినట్లు సమాచారం. కథలో ఈ పాత్రకు ప్రత్యేకమైన ప్రాధాన్యత ఉండే అవకాశముందని టాక్ వినిపిస్తోంది. చారిత్రక నేపథ్యం, యుద్ధ సన్నివేశాలు, భావోద్వేగ అంశాలతో పాటు పాత్రలను కూడా ఎంతో వివరంగా తీర్చిదిద్దుతున్నట్లు తెలుస్తోంది. ఇప్పటికే పోస్టర్ సినిమాపై అంచనాలను పెంచగా, సినిమాలో గాంధీజీ పాత్ర ఎలా ఉండబోతుందనే ఆసక్తి మరింత పెరిగింది. పూర్తి చిత్రం విడుదలైన తర్వాత ఈ పాత్ర ప్రాధాన్యతపై స్పష్టత వచ్చే అవకాశం ఉంది.