‘ఇరుముడి’ సక్సెస్ మంత్రా.. ‘ది ప్యారడైజ్’ మేకర్స్ కూడా అదే స్టెప్ తీసుకోబోతున్నారా?

మాస్ మహారాజ రవితేజ హీరోగా నటించిన ‘ఇరుముడి’ ఇటీవల టాలీవుడ్‌లో సంచలన విజయాన్ని అందుకుంది. సినిమాకు వచ్చిన సాలిడ్ టాక్ కారణంగా మంచి లాంగ్ రన్ సాధించింది. ముఖ్యంగా ఎలాంటి భారీ టికెట్ ధరల పెంపు లేకుండా సాధారణ ధరలతో విడుదల కావడం కూడా సినిమాకు సక్సెస్‌లో కీలక అంశంగా నిలిచిందనే అభిప్రాయాలు వ్యక్తమవుతున్నాయి.

ఇప్పుడు ఇదే విధమైన సక్సెస్ మంత్రాను నాచురల్ స్టార్ నాని నటిస్తున్న భారీ ప్రాజెక్ట్ ‘ది ప్యారడైజ్’ కూడా అనుసరిస్తుందనే ఊహాగానాలు మొదలయ్యాయి. ఈ సినిమా బడ్జెట్ పరంగా భారీ స్థాయిలో ఉండటంతో సాధారణ టికెట్ ధరలతోనే విడుదల చేస్తారా లేదా ధరలను పెంచుతారా అనేది ఆసక్తికరంగా మారింది. సాధారణ ధరలతో వస్తే అది సినిమాకు బిగ్ ప్లస్‌గా మారే అవకాశం ఉంది. దీనిపై మరింత స్పష్టత రావాల్సి ఉంది. శ్రీకాంత్ ఓదెల దర్శకత్వం వహిస్తున్న ఈ చిత్రాన్ని ఎస్‌ఎల్‌వీ సినిమాస్ నిర్మిస్తోంది. అనిరుధ్ రవిచందర్ సంగీతం అందిస్తున్నారు.