హనుతో మరో సినిమాకు ప్రభాస్‌ గ్రీన్‌సిగ్నల్‌?

‘ఫౌజీ’ సినిమా షూటింగ్‌తో హీరో ప్రభాస్‌, దర్శకుడు హను రాఘవపూడి మధ్య అనుబంధం మరింత బలపడినట్లు ఇండస్ట్రీ వర్గాల్లో టాక్‌ వినిపిస్తోంది. హను సెట్లో చెప్పే విషయాలను ప్రభాస్‌ ఎంతో నమ్మకంతో పాటిస్తున్నారని, స్టార్‌ హీరో అనే ఇమేజ్‌ను పక్కన పెట్టి దర్శకుడి విజన్‌కు ప్రాధాన్యత ఇస్తున్నారని సమాచారం. ‘హను ఈ సీన్‌ను అద్భుతంగా తీశాడు’ అంటూ ప్రభాస్‌ తన సన్నిహితుల వద్ద దర్శకుడిని ప్రశంసిస్తున్నట్లు తెలుస్తోంది.

ప్రస్తుతం ‘స్పిరిట్‌’, ‘కల్కి 2’ చిత్రాల సెట్స్‌లోనూ ప్రభాస్‌ ‘ఫౌజీ’ గురించి ప్రస్తావిస్తున్నట్లు గుసగుసలు వినిపిస్తున్నాయి. అంతేకాదు, ‘ఫౌజీ’ పూర్తయిన తర్వాత హను రాఘవపూడితో మరో సినిమా చేసేందుకు ప్రభాస్‌ ఆసక్తి చూపుతున్నట్లు సమాచారం. ఈసారి హోంబలే ఫిల్మ్స్‌ నిర్మాణంలో వీరి కాంబినేషన్‌లో మరో ప్రాజెక్ట్‌ ఉండొచ్చనే ప్రచారం సాగుతోంది. ‘ఫౌజీ’కి ప్రీక్వెల్‌ ఆలోచన కూడా ఉన్నప్పటికీ, అది భవిష్యత్తులోనే కార్యరూపం దాల్చే అవకాశం ఉన్నట్లు తెలుస్తోంది.