మధుబాల బయోపిక్‌లో సారా అర్జున్.. ఫిక్స్ అయ్యిందా?

సంజయ్ లీలా భన్సాలీ ప్రకటించిన దిగ్గజ నటి మధుబాల బయోపిక్‌పై బాలీవుడ్‌లో ఆసక్తి నెలకొంది. ముఖ్యంగా మధుబాల పాత్రను ఎవరు పోషించనున్నారనే చర్చ చాలాకాలంగా సాగుతోంది. పలువురు కథానాయికల పేర్లు వినిపించిన నేపథ్యంలో, తాజాగా ‘ధురంధర్’ చిత్రంతో గుర్తింపు తెచ్చుకున్న సారా అర్జున్‌ను ఈ పాత్రకు ఎంపిక చేసినట్లు సినీ వర్గాల్లో వార్తలు వినిపిస్తున్నాయి. అయితే ఈ విషయంపై చిత్రబృందం నుంచి అధికారిక ప్రకటన రావాల్సి ఉంది.

మధుబాల హావభావాలు, శరీర భాష, నృత్య భంగిమలను తెరపై సహజంగా ఆవిష్కరించేందుకు సారా అర్జున్ ప్రత్యేక శిక్షణ తీసుకుంటున్నట్లు సమాచారం. ఈ పాత్రకు ఆమె సరైన ఎంపిక అవుతారనే అభిప్రాయాలు కూడా వ్యక్తమవుతున్నాయి. ఈ చిత్రాన్ని సంజయ్ లీలా భన్సాలీ నిర్మించనుండగా, జస్మీత్ కె. రీన్ దర్శకత్వం వహించనున్నారు. అధికారిక ప్రకటనతో ఈ వార్తపై మరింత స్పష్టత వచ్చే అవకాశం ఉంది.