అల్లు అర్జున్ కేసు మరోసారి వాయిదా.. కారణం ఇదే!

సంధ్య థియేటర్‌ ఘటన కేసులో సినీనటుడు అల్లు అర్జున్‌ సోమవారం నాంపల్లి కోర్టులో వర్చువల్‌గా విచారణకు హాజరయ్యారు. ప్రస్తుతం సినిమా షూటింగ్‌ నిమిత్తం ముంబయిలో ఉండటంతో వీడియో కాన్ఫరెన్స్‌ ద్వారా విచారణకు హాజరయ్యేందుకు న్యాయస్థానం అనుమతి ఇచ్చింది.

అయితే ఈ కేసుకు సంబంధించిన విచారణలో కొంతమంది నిందితులు కోర్టుకు హాజరుకాకపోవడంతో న్యాయస్థానం తదుపరి విచారణను జులై 29వ తేదీకి వాయిదా వేసింది. ఈ కేసులో 23 మంది నిందితులపై సిద్ధం చేసిన 500 పేజీల ఛార్జ్‌షీట్‌ ప్రతులను పబ్లిక్ ప్రాసిక్యూటర్ కోర్టుకు సమర్పించగా, తదుపరి విచారణలో కేసు ముందుకు సాగనుంది.