‘రామాయణ’ చిత్ర బృందానికి అల్లు అర్జున్ శుభాకాంక్షలు

రణ్‌బీర్ కపూర్ నటిస్తున్న భారీ చిత్రం రామాయణ విడుదలకు ముందు ఐకాన్ స్టార్ అల్లు అర్జున్ చిత్ర బృందానికి హృదయపూర్వక శుభాకాంక్షలు తెలిపారు. నమిత్ మల్హోత్రాతో పాటు సినిమా కోసం పనిచేసిన ప్రతి ఒక్కరికీ తన శుభాకాంక్షలు తెలియజేస్తూ ఇన్‌స్టాగ్రామ్ స్టోరీలో సందేశాన్ని పంచుకున్నారు. రామాయణ కేవలం ఒక సినిమా మాత్రమే కాదని, ఇది మన సంస్కృతికి ప్రతిరూపమని, భారతీయ సినిమా స్థాయిని మరో మెట్టు పైకి తీసుకెళ్లే ప్రయత్నమని అల్లు అర్జున్ ప్రశంసించారు.

మరో సందేశంలో ఈ దైవిక ప్రయత్నానికి తన హృదయపూర్వక శుభాకాంక్షలు తెలియజేస్తూ, మన కథలు, సంస్కృతి, గొప్పతనాన్ని ప్రతిబింబించే ఈ చిత్రానికి అందరూ కలిసికట్టుగా మద్దతు ఇవ్వాలని కోరారు. చివరగా “జై శ్రీరామ్” అంటూ తన సందేశాన్ని ముగించారు. నితీశ్ తివారీ దర్శకత్వంలో తెరకెక్కుతున్న ఈ చిత్రంలో రణ్‌బీర్ కపూర్‌తో పాటు యశ్, సాయి పల్లవి కీలక పాత్రల్లో నటిస్తున్నారు. మంచి సినిమాలను ఎప్పుడూ ప్రోత్సహించే అల్లు అర్జున్, గతంలో ధురంధర్ (పార్ట్ 1) చిత్రాన్ని కూడా ప్రశంసించిన తొలి టాలీవుడ్ స్టార్‌గా నిలిచారు.