నాగదుర్గకు టాలీవుడ్‌లో భారీ అవకాశం

యూట్యూబ్ స్టార్ నాగదుర్గ జానపద పాటల్లో తన అందం, అభినయం, డ్యాన్స్‌తో ప్రేక్షకులను ఆకట్టుకుంది. సోషల్ మీడియా, యూట్యూబ్‌లో ఆమె చేసిన ప్రైవేట్ సాంగ్స్ మిలియన్ల వ్యూస్ సాధించి మంచి గుర్తింపు తెచ్చాయి. కేవలం తన ఎక్స్‌ప్రెషన్స్‌తోనే అభిమానులను మంత్రముగ్ధులను చేసిన ఈ బ్యూటీ, ఇప్పుడు వెండితెరపై నటిగా రాణించేందుకు ప్రయత్నాలు చేస్తోంది. ఇప్పటికే ‘కలివాణం’లో నటించినప్పటికీ, ఆ చిత్రం పెద్దగా గుర్తింపు తీసుకురాలేదు. అయినప్పటికీ ఆమె కొత్త అవకాశాల కోసం ముందుకు సాగింది.

ఇటీవల తమిళ చిత్రం ‘లవ్ ఓ లవ్’లో హీరోయిన్‌గా అవకాశం దక్కించుకున్న నాగదుర్గ, పవీష్ నారాయణన్తో కలిసి నటిస్తోంది. ఈ చిత్రాన్ని మహేష్ రాజేంద్రన్ తెరకెక్కిస్తున్నారు. టీజర్‌కు మంచి స్పందన రావడంతో సినిమాపై అంచనాలు పెరిగాయి. ఇదే సమయంలో టాలీవుడ్‌లో ప్రియదర్శి సరసన మరో భారీ అవకాశం దక్కినట్లు సమాచారం. వంశీ దర్శకత్వంలో, సుకుమార్, బన్నీ వాస్ నిర్మాణంలో ఈ చిత్రం తెరకెక్కనుంది. ఈ సినిమా విజయవంతమైతే నాగదుర్గ కెరీర్ టాలీవుడ్‌లో మరింత ఎత్తుకు చేరే అవకాశం ఉందని విశ్లేషకులు భావిస్తున్నారు.