61వ పుట్టినరోజు జరుపుకున్న షారుక్ ఖాన్.. విషెస్ తెలిపిన సినీ ప్రముఖులు

బాలీవుడ్ సూపర్‌స్టార్ షారుక్ ఖాన్ 61వ పుట్టినరోజు సందర్భంగా సినీ పరిశ్రమకు చెందిన పలువురు ప్రముఖులు ఆయనకు సోషల్ మీడియా వేదికగా శుభాకాంక్షలు తెలిపారు. సల్మాన్ ఖాన్ తన సందేశంలో షారుక్ ఎప్పుడూ సంతోషంగా, యవ్వనంగా ఉండాలని ఆకాంక్షించారు. కరీనా కపూర్ సైతం పుట్టినరోజు శుభాకాంక్షలు తెలియజేస్తూ.. ఆయనతో కలిసి డ్యాన్స్ చేసే రోజు కోసం ఆసక్తిగా ఎదురుచూస్తున్నానని పేర్కొన్నారు. తన చిరకాల మిత్రుడు, సహనటుడు, వ్యాపార భాగస్వామి అయిన షారుక్ ప్రపంచానికి కింగ్ అయినప్పటికీ ఎంతో నిరాడంబరంగా ఉంటారని జుహి చావ్లా ప్రశంసించారు. అజయ్ దేవ్‌గణ్ సైతం పాత ఫొటోను పంచుకుంటూ తమ స్నేహం ఇప్పటికీ అలాగే ఉందని చెబుతూ శుభాకాంక్షలు తెలిపారు.

మరోవైపు, రితేశ్ దేశ్‌ముఖ్ షారుక్‌ను తమ అందరి హృదయాల్లో ఎప్పటికీ కింగ్‌గానే ఉంటారని పేర్కొంటూ ప్రత్యేకంగా విషెస్ చెప్పారు. ఆయన నటిస్తున్న కింగ్ సినిమా బ్లాక్‌బస్టర్ అవుతుందని నమ్మకం వ్యక్తం చేశారు. డిసెంబర్ 24న థియేటర్లలో ఆ సినిమా మ్యాజిక్‌ను చూసేందుకు ఎదురుచూస్తున్నానని తెలిపారు. నటి శిల్పా శెట్టి కూడా తనకు షారుక్ ఎప్పటికీ ఇష్టమైన ‘బాజీగర్’ అని పేర్కొంటూ.. ఆయనకు ప్రేమ, ఆనందం, మంచి ఆరోగ్యం కలగాలని ఆకాంక్షించారు. ఈ క్రమంలో తనకు పుట్టినరోజు శుభాకాంక్షలు తెలిపిన అభిమానులు, స్నేహితులు, సినీ ప్రముఖులకు కృతజ్ఞతలు చెబుతూ షారుక్ ఓ వీడియోను విడుదల చేశారు. ప్రస్తుతం ఈ వీడియో సోషల్ మీడియాలో వైరల్‌గా మారింది