ఉదిరంలో ధనుష్ పాత్రపై ఆసక్తికర విషయాలు వెల్లడించిన దర్శకుడు

కోలీవుడ్ స్టార్ హీరో ధనుష్ నటిస్తున్న భారీ పాన్ ఇండియా యాక్షన్ క్రైమ్ థ్రిల్లర్ ఓం: చాప్టర్ 1 – ఉధిరం: ది బ్లడ్ వుడ్ విడుదలకు సిద్ధమవుతోంది. ప్రతిభావంతుడైన దర్శకుడు రాజ్ కుమార్ పెరియసామి తెరకెక్కిస్తున్న ఈ సినిమాపై ప్రేక్షకుల్లో భారీ అంచనాలు నెలకొన్నాయి. అన్ని కార్యక్రమాలు పూర్తి చేసుకున్న ఈ చిత్రం నవంబర్ 20న ప్రపంచవ్యాప్తంగా గ్రాండ్‌గా థియేటర్లలో విడుదల కానుంది. సినిమా ప్రమోషన్లలో భాగంగా ఇటీవల ఓ ఇంటర్వ్యూలో పాల్గొన్న దర్శకుడు రాజ్ కుమార్ పెరియసామి, ధనుష్‌తో పనిచేసిన అనుభవాలను, సినిమాలోని ఆయన పాత్రకు సంబంధించిన ఆసక్తికర విషయాలను వెల్లడించారు. ఈ సినిమాలో ధనుష్ పోషిస్తున్న పాత్ర ఆయన కెరీర్‌లోనే చాలా ప్రత్యేకమైనదని పేర్కొన్నారు. గతంలో కొన్ని సినిమాల్లో స్మగ్లింగ్ నేపథ్యంతో కూడిన పాత్రల్లో నటించినప్పటికీ, ఈ సినిమాలో ఆయన పాత్ర పూర్తిగా భిన్నమైన కోణంలో ఉంటుందని తెలిపారు. ఈ పాత్రను పోషించేందుకు ధనుష్ ఎంతో ఉత్సాహంగా ఉన్నారని దర్శకుడు చెప్పారు.

ఈ సినిమాలో ధనుష్ రెండు విభిన్నమైన హెయిర్‌స్టైల్స్‌లో కనిపిస్తారని రాజ్ కుమార్ పెరియసామి వెల్లడించారు. ధనుష్ అద్భుతమైన నటుడని, ప్రతి సన్నివేశాన్ని తన సహజమైన అభినయంతో అద్భుతంగా పండించగల ప్రతిభ ఆయన సొంతమని ప్రశంసించారు. షూటింగ్ సమయంలో జరిగిన ఓ ఆసక్తికర సంఘటనను కూడా గుర్తుచేసుకున్నారు. రెండు రోజుల పాటు చిత్రీకరించాల్సిన ఓ కీలక సన్నివేశం గురించి ధనుష్‌తో చర్చిస్తున్నప్పుడు, తాను కొంత టెన్షన్ పడినట్లు తెలిపారు. అప్పుడు ధనుష్ ఎంతో ప్రశాంతంగా స్పందిస్తూ, “రాజ్‌కుమార్, మరీ ఎక్కువగా టెన్షన్ పడకండి. నేను బాగా చేస్తాను. మీకు నచ్చకపోతే మళ్లీ షూట్ చేద్దాం. నాకు మొదటి రోజు, రెండో రోజు అనే తేడా లేదు. కెమెరా ముందుకు వచ్చినప్పుడు ఆ సన్నివేశం నిజంగానే జరుగుతున్నట్లు భావించి నటిస్తాను” అని చెప్పినట్లు వెల్లడించారు. దర్శకుడు పంచుకున్న ఈ అనుభవం సినిమాపై, ధనుష్ నటనపై ప్రేక్షకుల్లో మరింత ఆసక్తిని పెంచుతోంది.