సామాన్యుడిపై టీవీకే ఎమ్మెల్యే దాడి

తమిళనాడు అసెంబ్లీ డిప్యూటీ స్పీకర్, టీవీకే ఎమ్మెల్యే రవిశంకర్ వివాదంలో చిక్కుకున్నారు. ప్రజా సమస్యలపై ప్రశ్నించిన ఓ సామాన్యుడిపై ఆయన భౌతిక దాడికి దిగిన ఘటన రాజకీయంగా చర్చనీయాంశమైంది. తిరుచిరాపల్లిలో తాగునీటి సరఫరా, చెత్త పేరుకుపోవడం వంటి సమస్యలపై కార్తీక్ కుమార్ అనే వ్యక్తి ఎమ్మెల్యేకు ఫిర్యాదు చేశారు. అయితే ఆయన సమస్యలను వినకుండా ఆగ్రహానికి గురైన ఎమ్మెల్యే.. సదరు వ్యక్తిపై చేయి చేసుకున్నట్లు సమాచారం. ఈ ఘటనకు సంబంధించిన వీడియో బయటకు రావడంతో తీవ్ర విమర్శలు వ్యక్తమవుతున్నాయి.

ప్రజా సమస్యలను ప్రస్తావించిన వ్యక్తిపై ప్రజాప్రతినిధి దాడి చేయడంపై పలువురు ఆగ్రహం వ్యక్తం చేస్తున్నారు. ఈ ఘటనతో టీవీకే ప్రభుత్వంపై విమర్శలు వెల్లువెత్తుతున్నాయి. ముఖ్యమంత్రి విజయ్ ఈ వ్యవహారంపై ఎలా స్పందిస్తారన్నది ఆసక్తికరంగా మారింది. ఇప్పటికే గత ఆరు నెలలుగా టీవీకే నేతలపై పలు ఆరోపణలు వస్తుండటంతో పార్టీ నాయకత్వానికి ఈ పరిణామం ఇబ్బందికరంగా మారింది. ఈ వివాదంపై ముఖ్యమంత్రి ఎలాంటి చర్యలు తీసుకుంటారోనని రాజకీయ వర్గాల్లో చర్చ జరుగుతోంది.