ఇరాన్‌పై దాడులకు ట్రంప్ బ్రేక్..

ఇరాన్‌పై దాడులను అమెరికా తిరిగి ప్రారంభించకపోవచ్చని అధ్యక్షుడు డొనాల్డ్ ట్రంప్ సోమవారం ప్రకటించారు. మరోవైపు, ఇజ్రాయెల్ ప్రధాని బెంజమిన్ నెతన్యాహు దాదాపు ప్రతిరోజూ ట్రంప్‌కు ఫోన్ చేసి.. టెహ్రాన్‌పై మరోసారి దాడులు చేయాలని కోరేవారని అమెరికా మీడియా కథనం వెల్లడించింది. రాజకీయ ప్రయోజనాల కోసం నెతన్యాహు ఈ ప్రయత్నాలు చేసినట్లు ఆ కథనం పేర్కొంది. అయితే, ఇరాన్‌తో ఒప్పందం కుదుర్చుకోవాలనే ఆసక్తితో ఉన్న ట్రంప్.. ఆయన ప్రతిపాదనకు అంగీకరించలేదని తెలిపింది.

అమెరికా మధ్యంతర ఎన్నికల ఫలితాలు వెలువడిన వెంటనే ఇరాన్‌పై దాడులు చేయాలని నెతన్యాహు ట్రంప్‌పై ఒత్తిడి తీసుకొచ్చినట్లు సమాచారం. అయితే, సైనిక చర్యకు బదులుగా చర్చల ద్వారానే సమస్యను పరిష్కరించుకోవాలని ట్రంప్ స్పష్టం చేసినట్లు వైట్‌హౌస్ అధికారులు వెల్లడించారు. అమెరికా కాంగ్రెస్‌లో అధికార రిపబ్లికన్ పార్టీ తన పట్టును కోల్పోవడానికి ఇరాన్‌తో కొనసాగిన యుద్ధం కూడా ఒక కారణమని రాజకీయ వర్గాల్లో చర్చ జరుగుతోంది.