అక్కినేని ఫ్యాన్స్‌కు నిరాశ: ‘లెనిన్’ మళ్లీ వాయిదా

అక్కినేని ఫ్యాన్స్‌ను మరోసారి నిరాశపరుస్తూ అఖిల్, భాగ్యశ్రీ బోర్సే జంటగా నటిస్తున్న భారీ చిత్రం ‘లెనిన్’ వాయిదా పడింది. ‘వినరో భాగ్యము విష్ణు కథ’ ఫేమ్ మురళీ కిషోర్ అబ్బూరు దర్శకత్వంలో తెరకెక్కుతున్న ఈ చిత్రం అఖిల్ కెరీర్‌లో భారీ బడ్జెట్ ప్రాజెక్ట్‌గా రూపొందుతోంది. జూన్ 26 విడుదలకు సిద్ధమైనప్పటికీ పలు కారణాల వల్ల విడుదల వాయిదా పడింది.

ఈ విషయాన్ని అక్కినేని నాగార్జున సోషల్ మీడియా ద్వారా అధికారికంగా ప్రకటించారు. చిత్ర బృందం మరింత మెరుగైన అవుట్‌పుట్ కోసం అదనపు సమయం కోరినట్లు తెలిపారు. వారి అంకితభావాన్ని గౌరవిస్తూ కొత్త విడుదల తేదీని జూలై 10గా ప్రకటించారు. ఈ చిత్రంలో అఖిల్ కొత్తగా కనిపిస్తాడని ఆయన తెలిపారు.