సునీత వ్యాఖ్యలపై గోవిందా ఫైర్

బాలీవుడ్ నటుడు గోవిందా, ఆయన భార్య సునీతా ఆహుజా మధ్య కొంతకాలంగా విభేదాలు కొనసాగుతున్నాయి. ఇటీవల సునీత చేసిన పలు వ్యాఖ్యలు బాలీవుడ్‌లో చర్చనీయాంశంగా మారాయి. గోవిందా పలువురు కథానాయికలతో సంబంధాలు పెట్టుకుని తనను మోసం చేశారని ఆమె ఆరోపించారు. ప్రస్తుతం గోవిందాతో కలిసి ‘రూప’ సినిమాలో నటిస్తున్న కోమల్ రాణి స్వర్ణకార్‌తోనూ ఆయనకు సంబంధం ఉందంటూ సునీత వ్యాఖ్యానించారు.

ఈ వ్యాఖ్యలపై గోవిందా తాజాగా స్పందించారు. తాను చాలా కాలం తర్వాత ఓ సినిమా చేస్తున్న సమయంలో తన పరువు ప్రతిష్ఠలకు భంగం కలిగించేలా మాట్లాడటం సరికాదని అన్నారు. తన అభిమానుల మద్దతును దెబ్బతీయడం, సినిమా ప్రాజెక్టుకు నష్టం కలిగించేలా వ్యవహరించడం మానుకోవాలని సునీతను కోరారు. సామాన్య కుటుంబం నుంచి వచ్చిన కోమల్ రాణిని అవమానించడం లేదా భయపెట్టడం సరికాదని, పాడ్‌కాస్ట్‌లలో బహిరంగంగా హద్దుమీరి వ్యాఖ్యలు చేయవద్దని గోవిందా సూచించారు.