రాజ్ తరుణ్ చేతుల మీదుగా గ్రాండ్ పోస్టర్ రిలీజ్ సక్సెస్!

శ్రీహరి హీరోగా నటిస్తున్న రొమాంటిక్ ఫ్యామిలీ ఎంటర్‌టైనర్ ‘పెళ్ళైంది కాని NO కహాని’ సినిమా పోస్టర్‌ను హీరో రాజ్ తరుణ్ చేతుల మీదుగా విడుదల చేశారు. స్మిత హీరోయిన్‌గా నటిస్తున్న ఈ చిత్రాన్ని మై3 సినిమాస్ నిర్మిస్తుండగా, ఏడుకొండలు తాడిశెట్టి దర్శకత్వం వహిస్తున్నారు. త్వరలోనే ఈ సినిమా గ్రాండ్ థియేట్రికల్ రిలీజ్‌కు సిద్ధమవుతోంది.

ఈ కార్యక్రమంలో హీరో శ్రీహరి, డైరెక్టర్ ఏడుకొండలు తాడిశెట్టి, ఐఎఫ్ఎక్స్ అధినేత పద్మనాభరెడ్డి తదితరులు పాల్గొన్నారు. సినిమా పూర్తి కామెడీతో ఫ్యామిలీ ఆడియెన్స్‌ను ఎంటర్‌టైన్ చేస్తుందని టీమ్ తెలిపింది. వచ్చే నెలలో విడుదలకు ప్లాన్ చేస్తున్నామని, సెన్సార్ పనులు త్వరలో పూర్తవుతాయని వెల్లడించారు.