సురేష్ కొండేటి టచ్‌తో హిట్ ఖాయం?

‘ప్రేమనే ఊరిలో’ అనే తెలుగు చిత్రం ప్రముఖ నిర్మాత, డిస్ట్రిబ్యూటర్ సురేష్ కొండేటి భాగస్వామ్యంతో మంచి అంచనాలు రేకెత్తిస్తోంది. కంటెంట్‌ ఆధారిత సినిమాలకు ప్రసిద్ధి చెందిన ఆయన ‘ప్రేమిస్తే’, ‘జర్నీ’, ‘పిజ్జా’, ‘షాపింగ్ మాల్’ వంటి విజయాలతో గుర్తింపు పొందారు. మనోజ్ కుమార్ దర్శకత్వంలో తెరకెక్కుతున్న ఈ చిత్రాన్ని చందు శ్రీనివాస్, సురేష్ కొండేటి, మమత దేవేంద్ర ఎం కలిసి నిర్మిస్తున్నారు.

శ్రీరామ్, రమిక శివు, తపస్విని పూనాచ, రంగాయణ రఘు ప్రధాన పాత్రల్లో నటిస్తున్న ఈ చిత్రం గ్రామీణ నేపథ్యంలో భావోద్వేగ కథగా ప్రేక్షకులను ఆకట్టుకోనుంది. “వెల్కమ్ టు ది ల్యాండ్ ఆఫ్ లవ్” అనే ట్యాగ్‌లైన్‌తో విడుదలైన ఫస్ట్ లుక్ పోస్టర్ ప్రేక్షకులను ఆకట్టుకుంది. బలమైన టెక్నికల్ టీమ్‌తో రూపొందుతున్న ఈ సినిమా మంచి విజయం సాధించే అవకాశాలు ఉన్నాయని సినీ వర్గాలు భావిస్తున్నాయి.