తెలుగు సోషల్ మీడియాను బాగానే ఫాలో అవుతున్న మెగాస్టార్?

మెగాస్టార్ చిరంజీవి ప్రస్తుతం కాకా సినిమాలో బిజీగా ఉన్నారు. సోషల్ మీడియాలోకి వచ్చిన తర్వాత తన సినిమాలు, వ్యక్తిగత విషయాలకు సంబంధించిన ఆసక్తికరమైన పోస్టులతో అభిమానులను అలరిస్తున్న ఆయన, నెటిజన్ల స్పందనలను కూడా నిశితంగా గమనిస్తున్నారనే విషయం తాజాగా మరోసారి బయటపడింది. సిగ్మా ప్రీ రిలీజ్ ఈవెంట్‌కు హాజరైన చిరంజీవి, యువ హీరోయిన్ ఫరియా అబ్దుల్లాతో సరదాగా మాట్లాడారు. ఈ సందర్భంగా నన్ను తొక్కేసావా అంటూ ఆయన చేసిన వ్యాఖ్యలు ఒక్కసారిగా అందరి దృష్టిని ఆకర్షించాయి.

కొంతకాలంగా సోషల్ మీడియాలో తొక్కేసాడు అంటూ చిరంజీవిని ఉద్దేశించి పలు పోస్టులు, మీమ్స్ వైరల్ అవుతున్నాయి. వాటిని గమనించినట్టుగానే చిరంజీవి అదే పదాన్ని సరదాగా ప్రస్తావించడంతో అభిమానులు ఆసక్తిగా స్పందిస్తున్నారు. సాధారణంగా వైరల్ అయ్యే సోషల్ మీడియా ట్రెండ్స్‌పై కూడా మెగాస్టార్ దృష్టి ఉంటుందనడానికి ఈ వ్యాఖ్య ఉదాహరణగా నిలిచింది. ఈ సంఘటనకు సంబంధించిన వీడియోలు ప్రస్తుతం సామాజిక మాధ్యమాల్లో విస్తృతంగా చక్కర్లు కొడుతున్నాయి.