

ప్రస్తుతం మ్యాన్ ఆఫ్ మాసెస్ జూనియర్ ఎన్టీఆర్ హీరోగా ‘డ్రాగన్’ సినిమా తెరకెక్కుతోంది. ఈ చిత్రంపై అభిమానుల్లో భారీ అంచనాలు ఉన్నాయి. ఈ సినిమా తర్వాత త్రివిక్రమ్ శ్రీనివాస్ దర్శకత్వంలో రూపొందనున్న ‘గాడ్ ఆఫ్ వార్’ను ఎన్టీఆర్ ప్రారంభించనున్నట్లు సమాచారం. ఈ ప్రాజెక్ట్ జూలై నుంచి సెట్స్పైకి వెళ్లనుందని మేకర్స్ ఇప్పటికే వెల్లడించారు. ఇదిలా ఉంటే, దర్శకుడు అనిల్ రావిపూడితో గతంలో ప్రకటించిన సర్ప్రైజ్ ప్రాజెక్ట్ ఎప్పుడు మొదలవుతుందనే ఆసక్తి కూడా నెలకొంది.
అనిల్ రావిపూడి సాధారణంగా తక్కువ సమయంలో సినిమాలను పూర్తి చేస్తూ, సంక్రాంతి విడుదలలను లక్ష్యంగా పెట్టుకుంటుంటారు. ఈ నేపథ్యంలో ఎన్టీఆర్తో ఆయన సినిమా వచ్చే ఏడాదే ప్రారంభమవుతుందా అనే చర్చ జరుగుతోంది. ‘గాడ్ ఆఫ్ వార్’ చిత్రానికి ఎక్కువ సమయం పట్టే అవకాశం ఉండటంతో, ఆ సినిమా మధ్యలో లభించే విరామంలో అనిల్ రావిపూడి ప్రాజెక్ట్ను పూర్తి చేస్తాడా లేదా త్రివిక్రమ్ సినిమా తర్వాతే మొదలుపెడతాడా అనేది ఆసక్తికరంగా మారింది. ఎన్టీఆర్ రెండు సినిమాలను ఒకేసారి చేస్తాడా, లేక ఒకదాని తర్వాత మరొకటి ప్రారంభిస్తాడా అనే విషయంపై ఇంకా అధికారిక స్పష్టత రావాల్సి ఉంది.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!