

భారత్తో జరగనున్న టెస్టు సిరీస్కు ముందు న్యూజిలాండ్ జట్టుకు ఎదురుదెబ్బ తగిలింది. ఆ జట్టు స్టార్ ఆల్రౌండర్, పరిమిత ఓవర్ల కెప్టెన్ మిచెల్ శాంట్నర్ గాయం కారణంగా రెండు టెస్టుల సిరీస్కు దూరమయ్యాడు. భారత్తో జరిగిన ఐదో వన్డేలో అర్ష్దీప్ సింగ్ వేసిన 37వ ఓవర్లో బంతి శాంట్నర్ కుడిచేతి వెనుక భాగానికి బలంగా తగిలింది. ఫిజియో చికిత్స అనంతరం అతడు బ్యాటింగ్ కొనసాగించి 24 పరుగులు చేశాడు. అయితే, స్కానింగ్లో చేతికి ఫ్రాక్చర్ అయినట్లు తేలింది. అతడు పూర్తిగా కోలుకోవడానికి ఎంత సమయం పడుతుందనే విషయంపై స్పష్టత లేదని న్యూజిలాండ్ క్రికెట్ బోర్డు వెల్లడించింది.
ఫాక్స్క్రాఫ్ట్కు జట్టులో చోటు
శాంట్నర్ స్థానంలో స్పిన్ బౌలింగ్ ఆల్రౌండర్ డీన్ ఫాక్స్క్రాఫ్ట్ను జట్టులోకి తీసుకున్నారు. వన్డే సిరీస్లో చివరి రెండు మ్యాచ్లు ఆడిన అతడు 39 పరుగులు చేశాడు. నవంబర్ 19 నుంచి ప్రారంభం కానున్న తొలి టెస్టులో ఫాక్స్క్రాఫ్ట్కు తుది జట్టులో అవకాశం దక్కే సూచనలు కనిపిస్తున్నాయి. ఇటీవల ఇండియా ఎ, న్యూజిలాండ్ ఎ జట్ల మధ్య జరిగిన అనధికార టెస్టు సిరీస్లో నాలుగు ఇన్నింగ్స్ల్లో 51, 42, 93, 10 పరుగులు సాధించాడు. భారత్తో టెస్టు సిరీస్కు ఎంపికైన న్యూజిలాండ్ జట్టులో టామ్ లాథమ్ (కెప్టెన్), టామ్ బ్లండెల్, డెవాన్ కాన్వే, జాకబ్ డఫీ, డీన్ ఫాక్స్క్రాఫ్ట్, మాట్ హెన్రీ, కైల్ జేమీసన్, డారిల్ మిచెల్, హెన్రీ నికోల్స్, గ్లెన్ ఫిలిప్స్, రచిన్ రవీంద్ర, నాథన్ స్మిత్, బ్లెయిర్ టిక్నర్, విల్ యంగ్ ఉన్నారు.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!