'చెన్నై లవ్ స్టోరీ' నుంచి మెలోడీ సాంగ్ రిలీజ్

కిరణ్ అబ్బవరం నటిస్తున్న రాబోయే చిత్రం “చెన్నై లవ్ స్టోరీ” నుంచి “జిగితార” అనే కొత్త పాట విడుదలైంది. శనివారం సాయంత్రం తిరుపతిలో జరిగిన గ్రాండ్ మ్యూజికల్ ఫెస్ట్‌లో ఈ పాటను విడుదల చేశారు. అనంత శ్రీరామ్ రచించిన ఈ పాటను గాయకుడు కార్తీక్ భావోద్వేగంగా ఆలపించగా, మణిశర్మ తన ప్రత్యేక శైలిలో సంగీతాన్ని అందించారు.

ఈ చిత్రంలో శ్రీ గౌరి ప్రియ హీరోయిన్‌గా నటిస్తోంది. కలర్ ఫోటో, బేబీ వంటి హిట్ సినిమాలను అందించిన ఎస్‌కేఎన్, సాయి రాజేశ్ ఈ సినిమాను నిర్మిస్తున్నారు. సాయి రాజేశ్ కథ అందించగా రవి నంబూరి దర్శకత్వం వహిస్తున్నారు. ప్రస్తుతం సినిమా పోస్ట్ ప్రొడక్షన్ పనులు శరవేగంగా జరుగుతుండగా, జూలైలో థియేటర్లలో విడుదల చేయడానికి మేకర్స్ సన్నాహాలు చేస్తున్నారు.