అడ్వాన్స్ బుకింగ్స్‌కు ముందే ‘ది ప్యారడైజ్’ సెన్సేషన్...

‘దసరా’ తర్వాత నేచురల్ స్టార్ నాని, దర్శకుడు శ్రీకాంత్ ఓదెల మరోసారి కలిసి పనిచేస్తున్న చిత్రం ‘ది ప్యారడైజ్’. ఈ కాంబినేషన్‌పై మొదటి నుంచే భారీ అంచనాలు ఉండగా.. తాజాగా అడ్వాన్స్ బుకింగ్స్ ప్రారంభానికి ముందే టికెటింగ్ ప్లాట్‌ఫామ్‌లలో ఈ సినిమా మంచి ఆసక్తిని నమోదు చేస్తోంది.

బుక్‌మైషోలో ఇప్పటికే 2.16 లక్షలకు పైగా ఇంట్రెస్ట్స్ నమోదు కాగా, డిస్ట్రిక్ట్ బై జొమాటోలో 1.78 లక్షలకు పైగా ఫ్యాన్స్ ఈ సినిమాపై ఆసక్తి చూపించారు. త్వరలోనే అధికారిక అడ్వాన్స్ బుకింగ్స్ ప్రారంభించేందుకు మేకర్స్ ఏర్పాట్లు చేస్తున్నారు. విడుదలకు ముందే ఈ స్థాయిలో స్పందన రావడం సినిమాపై ఉన్న ప్రేక్షకుల ఆసక్తిని తెలియజేస్తోంది.

శ్రీ లక్ష్మీ వెంకటేశ్వర సినిమాస్ బ్యానర్‌పై సుధాకర్ చెరుకూరి నిర్మిస్తున్న ఈ చిత్రంలో మోహన్ బాబు, రాఘవ్ జుయల్, సోనాలి కులకర్ణి, సంపూర్ణేష్ బాబు కీలక పాత్రల్లో నటిస్తున్నారు. రాక్‌స్టార్ అనిరుధ్ రవిచందర్ సంగీతం అందిస్తుండగా, సీహెచ్ సాయి సినిమాటోగ్రఫీ, నవీన్ నూలి ఎడిటింగ్ బాధ్యతలు నిర్వహిస్తున్నారు. ‘ది ప్యారడైజ్’ సెప్టెంబర్ 24న ప్రపంచవ్యాప్తంగా థియేటర్లలో విడుదల కానుంది.