కర్ణుడిగా రాఘవ లారెన్స్.. భారీ పాన్ ఇండియా ప్రాజెక్ట్ ప్రకటన!

టాలీవుడ్, కోలీవుడ్‌లో మల్టీ టాలెంటెడ్ నటుడిగా గుర్తింపు తెచ్చుకున్న రాఘవ లారెన్స్ ఇప్పుడు మరో ఆసక్తికరమైన పాత్రలో కనిపించనున్నారు. మహాభారతంలోని ప్రముఖ వీరుడు కర్ణుడి కథ ఆధారంగా మహావీర్ కర్ణ పేరుతో పాన్ ఇండియా హిస్టారికల్ డ్రామాను మేకర్స్ ప్రకటించారు. ఈ సినిమాలో కర్ణుడి పాత్రను రాఘవ లారెన్స్ పోషించనున్నారు. తాజాగా విడుదల చేసిన ఫస్ట్ లుక్‌లో కర్ణుడి పాత్రలో లారెన్స్ ఆకట్టుకునేలా కనిపిస్తున్నారు.

ఖిలాడి, రాక్షసుడు వంటి చిత్రాలతో గుర్తింపు తెచ్చుకున్న దర్శకుడు రమేష్ వర్మ ఈ భారీ ప్రాజెక్ట్‌ను తెరకెక్కించనున్నారు. నటుడు, దర్శకుడికి ఇది విభిన్నమైన జానర్‌లో రూపొందుతున్న చిత్రంగా నిలవనుంది. బాలీవుడ్ నిర్మాణ సంస్థ పెన్ స్టూడియోస్ భారీ బడ్జెట్‌తో ఈ సినిమాను నిర్మిస్తోంది. పాన్ ఇండియా స్థాయిలో తెరకెక్కుతున్న మహావీర్ కర్ణ చిత్రాన్ని 2027లో థియేటర్లలో విడుదల చేయనున్నట్లు మేకర్స్ అధికారికంగా ప్రకటించారు.