కృతి సనన్‌ వివాదంలో రాహుల్.. అసలు ఏమైందంటే?

2026 ఆగస్టు 25న కృతి సనన్‌ నటించిన ఓ ఆభరణాల బ్రాండ్‌ ప్రకటనను రాహుల్‌ తన ఇన్‌స్టాగ్రామ్‌ స్టోరీస్‌లో షేర్‌ చేసి ఆమెకు మద్దతు తెలిపారు. మహిళ ఏం ధరించాలి, ఏం చేయాలి, ఎక్కడికి వెళ్లాలి అనేది పూర్తిగా ఆమె వ్యక్తిగత స్వేచ్ఛ అని పేర్కొన్నారు. మహిళల దుస్తులు, జీవనశైలి ఎంపికలపై ఆన్‌లైన్‌లో విమర్శలు, ట్రోలింగ్‌ చేయడం మానుకోవాలని సూచించారు. రక్షాబంధన్‌ సందర్భంగా కృతి ఐవరీ రంగు బ్రాలెట్‌, స్కర్ట్‌, కేప్‌ ధరించి తన సోదరుడికి, పెంపుడు కుక్కకు రాఖీ కట్టినట్లు ప్రకటనలో కనిపించింది. దీనిపై కొందరు నెటిజన్లు అభ్యంతరం వ్యక్తం చేయడంతో వివాదం మొదలైంది.

ఈ వ్యవహారంపై నటి, ఎంపీ కంగనా రనౌత్‌ చేసిన వ్యాఖ్యలు వివాదాన్ని మరింత పెంచాయి. రాఖీ కట్టే సమయంలో కృతి బికినీ తరహా దుస్తులు ధరించాల్సిన అవసరం ఏముందని కంగనా ప్రశ్నించారు. దీనిపై కృతి కూడా స్పందిస్తూ, సంస్కృతి, సంప్రదాయాలు మనసులో ఉంటాయని, దుస్తుల్లో ఉండవని కౌంటర్‌ ఇచ్చారు. మహిళలకు ఏం ధరించాలో చెప్పడం ఎప్పుడు ఆపుతామని ప్రశ్నించారు. రక్షాబంధన్‌ కేవలం సోదరుడితోనే కాకుండా సోదరి, పెంపుడు జంతువులతోనూ ఉన్న అనుబంధాన్ని గుర్తు చేసే పండుగ అని కృతి వివరించారు.