స్టేజ్‌పై ప్రసవ సన్నివేశంతో షాక్ ఇచ్చిన శ్రద్ధా కపూర్

‘స్త్రీ 2’తో బాక్సాఫీస్ వద్ద భారీ విజయం సాధించిన బాలీవుడ్ నటి శ్రద్ధా కపూర్, తర్వాత కొత్త ప్రాజెక్ట్‌ను అధికారికంగా ప్రకటించకపోయినా, లక్ష్మణ్ ఉటేకర్ దర్శకత్వంలో తెరకెక్కుతున్న ‘ఈథ’ చిత్రంలో నటిస్తున్నట్లు వార్తలు వస్తున్నాయి. ఈ సినిమాకు సంబంధించిన టీజర్‌ను ‘కాక్‌టెయిల్ 2’ ప్రదర్శితమవుతున్న థియేటర్లలో విడుదల చేసినట్లు సమాచారం.

ఈ టీజర్‌లో శ్రద్ధా కపూర్ జానపద నృత్య కళాకారిణిగా కనిపిస్తూ అద్భుతమైన డ్యాన్స్ ప్రదర్శన ఇస్తుంది. అదే సమయంలో స్టేజ్‌పైనే ప్రసవ వేదన అనుభవించి బిడ్డకు జన్మనిచ్చే సన్నివేశం ప్రేక్షకులను ఆశ్చర్యానికి గురిచేస్తోంది. మహారాష్ట్రకు చెందిన విఠాబాయి భావు మాంగ్ నారాయణ్‌గావ్కర్ జీవిత కథ ఆధారంగా ఈ చిత్రం రూపొందుతున్నట్లు తెలుస్తోంది.