అక్కడ సూర్య ‘సీన్’కు అదిరిపోయే బుకింగ్స్.. కానీ ఇక్కడ ?

తమిళ స్టార్ హీరో సూర్య నటించిన తాజా చిత్రం ‘సీన్’ ఈ ఏడాది ఆయన నుంచి ప్రేక్షకుల ముందుకు రానున్న మూడో సినిమాగా నిలవనుంది. ఇప్పటికే ఈ చిత్రంపై మంచి అంచనాలు ఉన్నాయి. అయితే బాక్సాఫీస్ వద్ద గట్టి పోటీ మధ్య విడుదలవుతున్న ఈ సినిమాకు ఆన్‌లైన్‌లో అడ్వాన్స్ బుకింగ్స్ ఆశాజనకంగా నమోదవుతున్నాయి. ముఖ్యంగా తమిళ వెర్షన్‌కు బుకింగ్స్ బలంగా ఉండటంతో అక్కడ మంచి ఓపెనింగ్స్ వచ్చే అవకాశాలు కనిపిస్తున్నాయి.

మరోవైపు తెలుగు వెర్షన్ మాత్రం ఇంకా బుకింగ్స్ పరంగా పుంజుకోవాల్సి ఉంది. ప్రస్తుతం తెలుగు మార్కెట్‌లో ‘రామాయణ’కు మంచి ఆదరణ కనిపిస్తుండటంతో ‘సీన్’కు గట్టి పోటీ ఎదురుకానుంది. తెలుగులోనూ ప్రేక్షకులను ఆకట్టుకోవాలంటే సినిమాకు పాజిటివ్ మౌత్ టాక్ కీలకం కానుంది. విడుదల సమయానికి బుకింగ్స్ ఏ మేరకు పెరుగుతాయో చూడాలి. జీతూ మాధవన్ దర్శకత్వం వహించిన ఈ చిత్రంలో నజ్రియా, నెస్లేన్ కీలక పాత్రల్లో నటించారు. సూర్య, జ్యోతిక ఈ సినిమాను నిర్మించారు.