‘కింగ్ 100’లో నాగార్జున వర్సెస్ టబు.. పవర్‌ఫుల్ పాత్రలో సీనియర్ హీరోయిన్!

అక్కినేని నాగార్జున తన కెరీర్‌లో ప్రతిష్ఠాత్మకమైన 100వ చిత్రంగా ‘కింగ్ 100’లో నటిస్తున్నారు. ఈ సినిమాలో ప్రముఖ నటి టబు కీలక పాత్ర పోషిస్తున్నారు. నాగార్జునతో కలిసి ఆమె నటించి దాదాపు రెండు దశాబ్దాలు కావడంతో ఈ కాంబినేషన్‌పై ఆసక్తి నెలకొంది. గతంలో రొమాంటిక్ జోడీగా ప్రేక్షకులను అలరించిన నాగ్, టబు ఈసారి మాత్రం భిన్నమైన పాత్రల్లో కనిపించనున్నట్లు తెలుస్తోంది. కథలో వీరిద్దరి మధ్య తీవ్ర సంఘర్షణ ఉండబోతున్నట్లు ప్రచారం జరుగుతోంది.

దర్శకుడు కార్తీక్ ఈ సినిమాలో టబును మహంతి ఝాన్సీ రాణి అనే శక్తిమంతమైన పాత్రలో చూపించినట్లు సమాచారం. కష్టాన్ని నమ్ముతాను కానీ అదృష్టాన్ని నమ్మననే భావనతో సాగే ఆమె డైలాగ్ పాత్రకు ప్రత్యేకమైన ఎలివేషన్ ఇస్తోంది. దేవిశ్రీ ప్రసాద్ అందిస్తున్న సంగీతం కూడా సినిమాకు ప్రధాన ఆకర్షణగా నిలవనుంది. అన్నపూర్ణ స్టూడియోస్ నిర్మిస్తున్న ఈ చిత్రం డిసెంబర్ 24న థియేటర్లలో విడుదల కానుంది. నాగార్జున, టబు మధ్య సాగే డ్రామా ఎలా ఉండబోతోందనే ఆసక్తి ప్రేక్షకుల్లో నెలకొంది.