‘ది ప్యారడైజ్’ సెకండ్ సింగిల్‌కు డేట్ ఫిక్స్!

నేచురల్ స్టార్ నాని నటిస్తున్న ‘ది ప్యారడైజ్’ చిత్రం నుంచి రెండో పాటకు సంబంధించిన కీలక అప్‌డేట్‌ను మేకర్స్ ప్రకటించారు. ఇప్పటికే మాస్ బీట్స్‌తో సెకండ్ సింగిల్ త్వరలో రాబోతుందని వెల్లడించిన చిత్రబృందం, తాజాగా పాట విడుదల తేదీని ఖరారు చేసింది. ఈ సాంగ్‌ను ఆగస్టు 28న డల్లాస్‌లో జరగనున్న అనిరుధ్ సంగీత కచేరీలో వేలాది మంది అభిమానుల సమక్షంలో ప్రత్యక్షంగా విడుదల చేయనున్నట్లు తెలిపింది. ఈ ప్రత్యేక లాంచ్ కోసం నాని ఇప్పటికే డల్లాస్ చేరుకున్నట్లు చిత్రబృందం వెల్లడించింది.

డల్లాస్‌లో గ్రాండ్ లాంచ్ అనంతరం ఆగస్టు 29న ఈ రెండో పాటను డిజిటల్ వేదికల్లో విడుదల చేయనున్నారు. ఈ అప్‌డేట్‌తో నాని అభిమానుల్లో భారీ ఉత్సాహం నెలకొంది. కయాదు లోహార్ కథానాయికగా నటిస్తున్న ఈ చిత్రంలో మోహన్ బాబు, రాఘవ్ జుయల్, సోనాలి కుల్కర్ణి, సంపూర్ణేష్ బాబు తదితరులు కీలక పాత్రలు పోషిస్తున్నారు. ఎస్‌ఎల్‌వీ సినిమాస్ పతాకంపై సుధాకర్ చెరుకూరి నిర్మిస్తున్న ఈ చిత్రాన్ని సెప్టెంబర్ 24న ప్రపంచవ్యాప్తంగా ఘనంగా విడుదల చేయనున్నారు.