ది ప్యారడైజ్‌కు అసలు పరీక్ష ఇప్పుడే మొదలు.. ఎందుకంటే!

న్యాచురల్ స్టార్ నాని, దర్శకుడు శ్రీకాంత్ ఓదెల కాంబినేషన్‌లో భారీ అంచనాల మధ్య విడుదలైన ‘ది ప్యారడైజ్’కు ప్రీమియర్స్ నుంచే మిశ్రమ స్పందన వచ్చింది. ముఖ్యంగా సినిమా సెకండాఫ్‌పై ప్రేక్షకుల నుంచి భిన్నాభిప్రాయాలు వ్యక్తమయ్యాయి. అయినప్పటికీ టాక్ ప్రభావం పూర్తిగా కనిపించకుండా నైజాం సహా పలు ప్రాంతాల్లో సినిమా మంచి వసూళ్లను రాబడుతోంది. ఇప్పటివరకు ప్రపంచవ్యాప్తంగా రూ.150 కోట్లకు పైగా గ్రాస్ సాధించినట్లు ట్రేడ్ వర్గాల్లో చర్చ జరుగుతోంది.

వీకెండ్ వసూళ్లకు తోడు హాలిడే అడ్వాంటేజ్, పెద్ద సినిమాల పోటీ లేకపోవడం ‘ది ప్యారడైజ్’కు కలిసొచ్చాయి. అయితే ఇప్పుడు వర్కింగ్ డేస్ ప్రారంభం కావడంతో సినిమా అసలు బాక్సాఫీస్ పరీక్ష ఎదుర్కొంటోంది. రెండు తెలుగు రాష్ట్రాల్లో థియేట్రికల్ రైట్స్ భారీ ధరలకు అమ్ముడైన నేపథ్యంలో బ్రేక్ ఈవెన్ చేరాలంటే రాబోయే రోజుల్లోనూ స్థిరమైన వసూళ్లు అవసరం. మిశ్రమ టాక్‌ను అధిగమించి నాని సినిమా బాక్సాఫీస్ వద్ద ఎంతవరకు నిలబడుతుందనేది ఇప్పుడు ట్రేడ్ వర్గాల్లో ఆసక్తికరంగా మారింది.