హీరోగా వెంకటేష్.వి.పి. ఎంట్రీ.. ‘డీజీపీ’ మూవీ ప్రకటన

‘కె ర్యాంప్’ వంటి కమర్షియల్ సక్సెస్ తర్వాత రుద్రాంశ్ సెల్యులాయిడ్ సంస్థ మరో కొత్త చిత్రాన్ని ప్రకటించింది. సక్సెస్‌ఫుల్ ప్రొడ్యూసర్ బొమ్మక్ శివ నిర్మిస్తున్న ఈ సినిమాకు సురేష్ తేజ్ దర్శకత్వం వహిస్తున్నారు. ‘కింగ్డమ్’ ఫేమ్ వెంకటేష్.వి.పి. హీరోగా నటిస్తున్న ఈ చిత్రానికి ప్రస్తుతం ‘డీజీపీ’ అనే వర్కింగ్ టైటిల్‌ను ఖరారు చేశారు. ఈ సినిమాకు ధీరజ్ న్యాతి సీఈవోగా వ్యవహరిస్తున్నారు.

మలయాళ టీవీ, సినీ పరిశ్రమలో మంచి గుర్తింపు తెచ్చుకున్న వెంకటేష్.వి.పి., ‘కింగ్డమ్’ చిత్రంలో మురుగన్ పాత్రతో తెలుగు ప్రేక్షకులకు దగ్గరయ్యారు. తిరువనంతపురంలో ‘సుడా సుడా ఇడ్లీ’ రెస్టారెంట్‌ను విజయవంతంగా నిర్వహిస్తున్న ఆయన.. ఇప్పుడు హీరోగా ఎంట్రీ ఇస్తున్నారు. ఆయన పుట్టినరోజు సందర్భంగా మేకర్స్ ప్రత్యేక వీడియో గ్లింప్స్ విడుదల చేసి శుభాకాంక్షలు తెలిపారు. దర్శకుడు సురేష్ తేజ్, నిర్మాత బొమ్మక్ శివ ఫోన్‌లో వెంకటేష్‌తో మాట్లాడి హీరోగా ఎంపికైన విషయాన్ని సరదాగా చెప్పే ఈ వీడియో ఆకట్టుకుంటోంది. విలన్ పాత్ర అనుకుని తొలుత ఆసక్తి చూపని వెంకటేష్.. హీరోగా ఆఫర్ అని తెలియగానే ఆశ్చర్యపోతారు. కథ విన్న తర్వాత సినిమాపై మరింత ఆసక్తి చూపించేలా గ్లింప్స్‌ను ఫన్‌గా రూపొందించారు.