‘లవ్ అండ్ వార్’ నుండి విక్కీ కౌశల్ ఇంటెన్స్ ఫస్ట్ లుక్ విడుదల...

సంజయ్ లీలా భన్సాలీ దర్శకత్వంలో తెరకెక్కుతున్న ప్రతిష్ఠాత్మక చిత్రం ‘లవ్ అండ్ వార్’పై ప్రేక్షకుల్లో ఆసక్తి మరింత పెరుగుతోంది. ఇప్పటికే రణ్‌బీర్ కపూర్, అలియా భట్ ఫస్ట్ లుక్ పోస్టర్లను విడుదల చేసిన చిత్రబృందం.. తాజాగా విక్కీ కౌశల్ ఫస్ట్ లుక్‌ను ఆవిష్కరించింది. పోస్టర్‌లో సిగరెట్, లైటర్‌తో కనిపిస్తున్న విక్కీ.. ఎంతో ఇంటెన్స్‌గా కనిపిస్తున్నారు. ఇప్పటివరకు చూడని విభిన్నమైన లుక్‌లో ఆయన దర్శనమివ్వడం అభిమానులను ఆకట్టుకుంటోంది.

రణ్‌బీర్ కపూర్, అలియా భట్, విక్కీ కౌశల్ ప్రధాన పాత్రల్లో నటిస్తున్న ఈ చిత్రానికి సంజయ్ లీలా భన్సాలీ దర్శకత్వం వహిస్తున్నారు. ముగ్గురి ఫస్ట్ లుక్ పోస్టర్లు విభిన్నమైన పాత్రలు, ప్రత్యేకమైన ప్రపంచాలను పరిచయం చేస్తున్నాయి. ముఖ్యంగా విక్కీ లుక్ సినిమాపై అంచనాలను మరింత పెంచుతోంది. ‘లవ్ అండ్ వార్’ 2027 జనవరి 21న హిందీ, తమిళం, తెలుగు భాషల్లో ప్రపంచవ్యాప్తంగా విడుదల కానుంది.