దుబాయ్ కంటే విశాఖ గొప్పదా? బన్నీ వ్యాఖ్యలు

ప్రముఖ నటుడు అల్లు అర్జున్ విశాఖపట్నంపై తన అభిమానాన్ని వ్యక్తం చేశారు. విశాఖపట్నం తనకు ఎంతో ఇష్టమైన నగరమని పేర్కొంటూ, ఈ నగరం వేగంగా అభివృద్ధి చెందుతుండటం చూసి హృదయపూర్వకంగా ఆనందిస్తున్నానన్నారు. కొత్త ఎయిర్‌పోర్ట్ ప్రారంభం నగర అభివృద్ధికి ఒక ముఖ్యమైన అడుగని ఆయన అభిప్రాయపడ్డారు.

విశాఖ అంతర్జాతీయ స్థాయి నగరంగా ఎదగాలని ఆకాంక్షించిన అల్లు అర్జున్, ప్రపంచ స్థాయి ప్రమాణాలను చేరుకోవాలని సూచించారు. భవిష్యత్తులో దుబాయ్ కంటే గొప్ప నగరంగా విశాఖ మారాలని తన ఆశయాన్ని వ్యక్తం చేశారు. ఆయన వ్యాఖ్యలు అభిమానులు, స్థానికుల్లో ఉత్సాహాన్ని రేకెత్తించాయి.