ఓటీటీలోకి రూ.325 కోట్ల సూపర్‌హిట్ మూవీ.. ఎక్కడ చూడాలంటే?

నివిన్ పౌలీ, మమితా బైజు జంటగా నటించిన ‘బెత్లెహేమ్ కుడుంబ యూనిట్’ ఇప్పుడు ఓటీటీ ప్రేక్షకులను అలరించేందుకు సిద్ధమైంది. గిరీష్ ఎ.డి దర్శకత్వంలో తెరకెక్కిన ఈ చిత్రం సుమారు రూ.30 కోట్ల బడ్జెట్‌తో రూపొందినట్లు సమాచారం. ప్రపంచవ్యాప్తంగా రూ.325 కోట్లకు పైగా గ్రాస్ వసూళ్లు సాధించిన ఈ సినిమా మలయాళ చిత్ర పరిశ్రమలో భారీ విజయాన్ని నమోదు చేసింది. సెప్టెంబర్ 4న మైత్రీ మూవీ మేకర్స్ ద్వారా తెలుగు ప్రేక్షకుల ముందుకు వచ్చిన ఈ చిత్రానికి ఇక్కడ కూడా మంచి స్పందన లభించింది.

థియేట్రికల్ రన్ అనంతరం ఈ సినిమా డిజిటల్ హక్కులను జియో హాట్‌స్టార్ సొంతం చేసుకుంది. అక్టోబర్ 2 నుంచి మలయాళంతో పాటు తెలుగు, తమిళ, కన్నడ, హిందీ భాషల్లో సినిమా స్ట్రీమింగ్ కానుంది. కుటుంబ బంధాలు, భావోద్వేగాలు, వినోదాన్ని కలిపి రూపొందించిన ఈ చిత్రానికి ఓటీటీ ద్వారా మరింత విస్తృతమైన ప్రేక్షకులను చేరుకునే అవకాశం ఉంది. థియేటర్లలో చూడలేకపోయిన ప్రేక్షకులు, మరోసారి సినిమాను ఆస్వాదించాలనుకునే వారు ఓటీటీ రిలీజ్ కోసం ఎదురుచూస్తున్నారు.