ఆహాలో దుమ్ములేపుతున్న ‘ఫారెస్ట్ గార్డ్’....

కదిర్, షైన్ టామ్ చాకో, హకీమ్ షా, సుధి కొప్పా, శ్రీకాంత్ మురళి, జియో బేబీ తదితరులు నటించిన చిత్రం ‘ఫారెస్ట్ గార్డ్’. ఎంసీ జోసెఫ్ దర్శకత్వం వహించిన ఈ సినిమాను రాజశేఖర్ అన్నభీమోజు నిర్మించారు. సూరజ్ ఎస్. కురుప్ సంగీతం అందించారు. గత ఏడాది విడుదలైన ఈ చిత్రం తాజాగా ఆహాలో స్ట్రీమింగ్‌కు వచ్చింది. విడుదలైన వెంటనే టాప్‌లో ట్రెండ్ అవుతూ ప్రేక్షకుల దృష్టిని ఆకర్షిస్తోంది.

పూర్తిగా అటవీ ప్రాంతం నేపథ్యంలో సాగే ఈ కథలో ఓ రహస్య కలయిక ప్రమాదకర మలుపు తిరుగుతుంది. ఆ తర్వాత చోటుచేసుకునే ట్విస్ట్‌లు, ఉత్కంఠభరిత సన్నివేశాలతో సినిమా ఆసక్తికరంగా సాగుతుంది. ఒకే రాత్రిలో జరిగే ఈ కథలో నమ్మకద్రోహం కారణంగా మిథున్ ప్రాణాలను కాపాడుకునే పోరాటంలో చిక్కుకుంటాడు. అతను ఎవరిని నమ్మగలడు? ప్రమాదం నుంచి ఎలా బయటపడతాడు? అనేదే కథలో కీలక అంశం. కదిర్ నటనతో పాటు షైన్ టామ్ చాకో పాత్ర కూడా ప్రత్యేక ఆకర్షణగా నిలుస్తోంది. వీరిద్దరి మధ్య వచ్చే సన్నివేశాలు ఉత్కంఠను మరింత పెంచుతున్నాయి.