ప్రైమ్ వీడియోలో టాప్-2లోకి దూసుకెళ్లిన ‘ఇసకపట్నం’

ఐశ్వర్య రాజేష్ ప్రధాన పాత్రలో నటించిన ‘ఇసకపట్నం’ వెబ్ సిరీస్ జూలై 2 నుంచి అమెజాన్ ప్రైమ్ వీడియోలో స్ట్రీమింగ్ అవుతూ ప్రేక్షకుల నుంచి విశేష ఆదరణ పొందుతోంది. సముద్రఖని కీలక పాత్రలో నటించిన ఈ సిరీస్‌లో సునీల్, నరేష్ అగస్త్య కూడా ముఖ్య పాత్రలు పోషించారు. ప్రారంభ మూడు ఎపిసోడ్లు కథా ప్రపంచాన్ని బలంగా పరిచయం చేయగా, తరువాతి ఎపిసోడ్లు ఉత్కంఠభరితమైన మలుపులు, భావోద్వేగాలతో ప్రేక్షకులను కట్టిపడేస్తున్నాయి.

ప్రేక్షకులతో పాటు టాలీవుడ్ ప్రముఖులు నాగ చైతన్య, హరీష్ శంకర్, తేజ సజ్జా ఈ సిరీస్‌ను ప్రశంసించడంతో దీని క్రేజ్ మరింత పెరిగింది. తొలి వారాంతంలో టాప్-3లో నిలిచిన ‘ఇసకపట్నం’ ప్రస్తుతం దేశవ్యాప్తంగా అమెజాన్ ప్రైమ్ వీడియోలో టాప్-2 స్థానానికి చేరుకుంది. ఈ ఆదరణను చూస్తుంటే రాబోయే రోజుల్లో మరిన్ని రికార్డులు సృష్టించే అవకాశాలు కనిపిస్తున్నాయి.