జీ5లోకి పంచనామా.. అసలు కథ ఏంటంటే?

పంచనామా క్రైమ్ థ్రిల్లర్ సిరీస్ ప్రస్తుతం జీ5లో స్ట్రీమింగ్ అవుతోంది. అధి అనే యువకుడు CI జైరామ్‌తో అన్నదమ్ముల్లాంటి అనుబంధం కలిగి ఉంటాడు. అయితే అధి హాస్టల్‌లో మృతి చెందడంతో జైరామ్ ఈ కేసును స్వయంగా దర్యాప్తు చేయడం మొదలుపెడతాడు. అతని మరణం వెనుక ఉన్న అసలు కారణాన్ని తెలుసుకునే క్రమంలో ఊహించని విషయాలు బయటకు వస్తాయి.

అధి వేలిముద్రలు మరో ఇద్దరి వేలిముద్రలతో సరిపోలుతున్నాయని జైరామ్ గుర్తిస్తాడు. ఆశ్చర్యకరమైన విషయం ఏమిటంటే.. ఆ ఇద్దరూ కూడా అదే రోజు మృతి చెందారు. ముగ్గురు మృతులకు ఒకే వేలిముద్రలు ఎలా వచ్చాయి? ఈ వరుస మరణాల వెనుక ఎవరు ఉన్నారు? అసలు వారి ఉద్దేశం ఏమిటి? అనే ప్రశ్నలకు సమాధానాలను జైరామ్ దర్యాప్తు ద్వారా తెలుసుకునే ప్రయత్నం చేస్తాడు. మిస్టరీ, క్రైమ్, పోలీస్ ఇన్వెస్టిగేషన్ కథలను ఇష్టపడేవారికి పంచనామా ఒకసారి చూడదగిన సిరీస్‌గా నిలవొచ్చు.