ఓటీటీలోకి శ్రీవిష్ణు ‘కామ్రేడ్‌ కళ్యాణ్‌’, స్ట్రీమింగ్‌ ఎక్కడంటే?

కామెడీతో ప్రేక్షకులను అలరించే నటుడు శ్రీవిష్ణు నటించిన ‘కామ్రేడ్‌ కళ్యాణ్‌’ సినిమా ఓటీటీలోకి వచ్చేసింది. థియేటర్లలో ప్రేక్షకులను నవ్వించిన ఈ చిత్రం ప్రస్తుతం అమెజాన్‌ ప్రైమ్‌ వీడియోలో స్ట్రీమింగ్‌ అవుతోంది. జానకిరామ్‌ మారెళ్ల దర్శకత్వం వహించిన ఈ చిత్రంలో మహిమా నంబియార్‌, రాధికా శరత్‌కుమార్‌ కీలక పాత్రల్లో నటించారు. సాయి చంద్‌, షైన్‌ టామ్‌ చాకో, సత్య తదితరులు ఇతర పాత్రల్లో కనిపించారు. 1990ల నేపథ్యంలో ఆంధ్రా–ఒడిశా సరిహద్దు ప్రాంతంలో ఈ కథ సాగుతుంది.

తాడికొండ కళ్యాణ్‌ (శ్రీవిష్ణు) ఓ చిన్న పట్టణంలో థియేటర్‌ను లీజుకు తీసుకుని నడుపుతుంటాడు. అదే సమయంలో అడవుల్లో నక్సలైట్‌ దళాల ఏరివేత కోసం ఐపీఎస్‌ అధికారి జార్జ్‌కుట్టి (షైన్‌ టామ్‌ చాకో) రంగంలోకి దిగుతాడు. ఈ క్రమంలో సితారాదేవి (మహిమా నంబియార్‌)తో కళ్యాణ్‌కు పరిచయం ఏర్పడి, అది ప్రేమగా మారుతుంది. అనారోగ్యంతో బాధపడుతున్న సితార తల్లి సరస్వతమ్మ (రాధికా శరత్‌కుమార్‌)ను కాపాడిన ఆమెను ప్రేమించిన కళ్యాణ్‌, ఆ కుటుంబ ఆర్థిక కష్టాలను తీర్చాలని నిర్ణయించుకుంటాడు. స్నేహితుడు దుబాయ్‌ బాబు (సత్య) సాయంతో ఓ మార్గాన్ని ఎంచుకుంటాడు. అయితే ఆ నిర్ణయం అతడి జీవితాన్నే మార్చేస్తుంది. సాధారణ థియేటర్‌ నిర్వాహకుడిగా ఉన్న కళ్యాణ్‌ ‘కామ్రేడ్‌ కళ్యాణ్‌’గా ఎలా మారాడు? అడవుల్లోని నక్సలైట్‌ దళాలతో అతడికి ఉన్న సంబంధం ఏమిటి? అన్నది సినిమా కథ.