దళపతి విజయ్ ఫార్ములాతో అన్నామలై కొత్త రాజకీయ వ్యూహం...

తమిళనాడు రాజకీయాల్లో కొత్త పరిణామాలు చోటుచేసుకుంటున్నాయి. దశాబ్దాలుగా డీఎంకే, అన్నాడీఎంకే ఆధిపత్యం కొనసాగుతున్న రాష్ట్రంలో యువ ఓటర్ల అభిరుచులు మారుతున్నాయని రాజకీయ విశ్లేషకులు భావిస్తున్నారు. ఈ నేపథ్యంలో మాజీ తమిళనాడు బీజేపీ అధ్యక్షుడు అన్నామలై కొత్త రాజకీయ వేదిక నిర్మాణంపై దృష్టి సారించినట్లు ప్రచారం జరుగుతోంది.

దళపతి విజయ్ రాజకీయ ప్రవేశానికి ముందు అనుసరించిన గ్రౌండ్ లెవల్ క్యాడర్ నిర్మాణ వ్యూహాన్ని ఆదర్శంగా తీసుకున్న అన్నామలై, “వి ఆర్ ది లీడర్స్” పేరుతో ప్రత్యేక కార్యక్రమాన్ని ప్రారంభించారు. క్షేత్రస్థాయి నాయకత్వాన్ని తీర్చిదిద్దడం, ప్రజలతో మమేకం కావడం, సేవా దృక్పథాన్ని పెంపొందించడం వంటి అంశాలపై శిక్షణ ఇవ్వనున్నారు. రానున్న ఎన్నికల నేపథ్యంలో యువత మద్దతును బలోపేతం చేసుకోవడమే ఆయన ప్రధాన లక్ష్యంగా విశ్లేషకులు భావిస్తున్నారు.