దీపావళి వేళ కాంగ్రెస్‌ ర్యాలీపై అభ్యంతరం..

దీపావళి పండుగ నేపథ్యంలో నిర్వహించనున్న కాంగ్రెస్‌ ర్యాలీపై ఛాంబర్‌ ఆఫ్‌ ట్రేడ్‌ అండ్‌ ఇండస్ట్రీ (CTI) ఆందోళన వ్యక్తం చేసింది. ఈ ర్యాలీ కారణంగా వ్యాపార కార్యకలాపాలకు తీవ్ర అంతరాయం కలిగే అవకాశం ఉందని, తద్వారా సుమారు రూ.12 వేల కోట్ల వరకు నష్టం వాటిల్లే ప్రమాదం ఉందని పేర్కొంది. పండుగ సమయంలో వ్యాపారాలు అత్యంత రద్దీగా సాగే నేపథ్యంలో ర్యాలీ నిర్వహణ వల్ల వ్యాపారులకు ఇబ్బందులు ఎదురవుతాయని ఆందోళన వ్యక్తం చేసింది.

ఈ మేరకు CTI చైర్మన్‌ బృజేశ్‌ గోయల్‌ కాంగ్రెస్‌ నేత సోనియా గాంధీకి లేఖ రాశారు. ర్యాలీని నవంబర్‌ 10, 11 తేదీలకు లేదా ఆ తర్వాతకు వాయిదా వేయాలని కోరారు. ఒకవేళ వాయిదా వేయడం సాధ్యం కాకపోతే ర్యాలీ వేదికను బురారీ మైదానానికి మార్చాలని సూచించారు. దీపావళి పండుగ వేళ వ్యాపార కార్యకలాపాలకు ఎలాంటి ఆటంకాలు కలగకుండా నిర్వాహకులు తగిన చర్యలు తీసుకోవాలని CTI విజ్ఞప్తి చేసింది.