జూపల్లికి హరీష్ రావు లేఖ

తెలంగాణ రాష్ట్ర అప్పుల అంశంపై బీఆర్ఎస్ సీనియర్ నేత హరీష్ రావు, మంత్రి జూపల్లి కృష్ణారావుకు లేఖ రాశారు. అసెంబ్లీలో తాను చెప్పినట్లుగానే బీఆర్ఎస్ ప్రభుత్వం తొమ్మిదిన్నరేళ్ల పాలనలో రూ.4.17 లక్షల కోట్లు అప్పు చేసిందనే తన వ్యాఖ్యలకు కట్టుబడి ఉన్నానని పేర్కొన్నారు. ఈ అంశంపై ఎక్కడైనా బహిరంగ చర్చకు సిద్ధమని మరోసారి స్పష్టం చేశారు. అలాగే ముఖ్యమంత్రి రేవంత్ రెడ్డి కూడా గతంలో కాంగ్రెస్ ప్రభుత్వం రూ.3.47 లక్షల కోట్లు అప్పు చేసిందని అసెంబ్లీలో పేర్కొన్న విషయాన్ని గుర్తు చేశారు.

మంత్రి జూపల్లి కృష్ణారావు తన లేఖలో కాంగ్రెస్ ప్రభుత్వం కేవలం రూ.1.77 లక్షల కోట్లు మాత్రమే అప్పు చేసిందని పేర్కొనడాన్ని హరీష్ రావు ప్రశ్నించారు. ఇప్పటివరకు కాంగ్రెస్ ప్రభుత్వం వివిధ మార్గాల ద్వారా దాదాపు రూ.4.5 లక్షల కోట్లు అప్పు చేసిందని ఆయన ఆరోపించారు. అప్పుల విషయంలో తప్పుడు ప్రచారాలను నిలిపివేయాలని కోరుతూ, రేవంత్ రెడ్డి అసెంబ్లీలో చేసిన వ్యాఖ్యల వీడియో, రిజర్వ్ బ్యాంక్ ఆఫ్ ఇండియా (ఆర్‌బీఐ) గణాంకాలు, తాను అసెంబ్లీలో చేసిన ప్రసంగం ప్రతులను లేఖకు జత చేసినట్లు తెలిపారు.