తెలంగాణ ప్రజలకు పవన్ కళ్యాణ్ క్షమాపణ చెప్పాలి - కాంగ్రెస్ ఎమ్మెల్సీ బల్మూరి వెంకట్!

కాంగ్రెస్ ఎమ్మెల్సీ బల్మూరి వెంకట్ ఏపీ డిప్యూటీ సీఎం పవన్ కళ్యాణ్‌పై తీవ్ర వ్యాఖ్యలు చేశారు. పవన్‌కు సిగ్గుంటే తెలంగాణను వదిలేసి ఆంధ్రాలో ఉండాలని, లేకపోతే తెలంగాణ నుంచి పరిగెత్తించి తరిమి కొడతామని హెచ్చరించారు. పవన్ సినిమాలు తెలంగాణలో ఆడనివ్వమని కూడా స్పష్టం చేశారు.

గతంలో తన సినిమాలు ఆడడానికి తెలంగాణ అంటే ఇష్టమని చెప్పిన పవన్, ఇప్పుడు డిప్యూటీ సీఎం అవ్వగానే బలుపుతో మాట్లాడుతున్నాడని బల్మూరి విమర్శించారు. తెలంగాణ ప్రజలకు పవన్ కళ్యాణ్ క్షమాపణలు చెప్పకపోతే మరింత కఠినంగా తరిమి కొడతామని అన్నారు.

ఈ వ్యాఖ్యలు రాజకీయ వర్గాల్లో కలకలం రేపుతున్నాయి. ఆంధ్ర-తెలంగాణ మధ్య రాజకీయ ఉద్రిక్తతలు మరింత పెరిగే అవకాశం ఉందని విశ్లేషకులు అభిప్రాయపడుతున్నారు.