నా భార్య భవిష్యత్తు లో ప్రధాని అవుతారు - ప్రియాంకా గాంధీ భర్త రాబర్ట్ వాద్రా!

తన భార్య, కాంగ్రెస్ నేత ప్రియాంకా గాంధీ ఒక రోజు భారతదేశ ప్రధాని అవుతారని రాబర్ట్ వాద్రా అన్నారు. ఆమె నాయకత్వ లక్షణాలపై తనకు పూర్తి నమ్మకం ఉందని, భవిష్యత్తులో అత్యున్నత బాధ్యతను చేపట్టే సామర్థ్యం ఆమెకు ఉందని తెలిపారు.

ఇటీవల కాంగ్రెస్ ఎంపీ ఇమ్రాన్ మసూద్ మాట్లాడుతూ, ప్రియాంకా గాంధీకి బలమైన నాయకత్వ గుణాలు ఉన్నాయని, ప్రధానమంత్రిగా తన సత్తా చాటగలరని వ్యాఖ్యానించారు. ఈ వ్యాఖ్యలు రాజకీయ వర్గాల్లో చర్చకు దారితీశాయి.

ఈ అంశంపై మీడియా ప్రశ్నలకు స్పందించిన రాబర్ట్ వాద్రా, తన భార్యకు తాను పూర్తి మద్దతుగా ఉన్నానని చెప్పారు. ప్రియాంకా గాంధీని ప్రధానమంత్రిగా చూడాలని ప్రజలు కోరుకుంటున్నారని, సరైన సమయంలో ఆమె నాయకత్వాన్ని దేశం గుర్తిస్తుందని అన్నారు.