ఆర్‌ఎస్‌ఎస్‌ చీఫ్ మోహన్ భాగవత్ ప్రయాణిస్తున్న రైలుపై రాళ్ల దాడి

ఆర్‌ఎస్‌ఎస్‌ (RSS) చీఫ్ మోహన్ భాగవత్ ప్రయాణిస్తున్న రైలుపై గుర్తుతెలియని వ్యక్తులు రాళ్లు విసిరిన ఘటన కలకలం రేపింది. ఈ సంఘటన ఉత్తరప్రదేశ్‌లోని ఫిరోజాబాద్ రైల్వే స్టేషన్ సమీపంలో చోటుచేసుకుంది. రాళ్ల దాడి కారణంగా రైలులోని ఒక కిటికీ అద్దం దెబ్బతిన్నట్లు అధికారులు తెలిపారు.

మోహన్ భాగవత్ అలహాబాద్ నుంచి ఢిల్లీకి శతాబ్ది ఎక్స్‌ప్రెస్‌లో ప్రయాణిస్తున్న సమయంలో ఈ ఘటన జరిగినట్లు సమాచారం. అయితే ఆయనకు ఎలాంటి ప్రమాదం జరగలేదని, భద్రతా సిబ్బంది వెంటనే అప్రమత్తమై పరిస్థితిని అదుపులోకి తీసుకున్నారని అధికారులు వెల్లడించారు. ఘటనపై రైల్వే పోలీసులు కేసు నమోదు చేసి దర్యాప్తు చేపట్టారు.