బిగ్‌బాస్ 10 కంటెస్టెంట్లు వీళ్లేనా? ఆది రెడ్డి హింట్స్

ప్రముఖ యూట్యూబర్, బిగ్‌బాస్ మాజీ కంటెస్టెంట్ ఆది రెడ్డికి సోషల్ మీడియాలో మంచి క్రేజ్ ఉంది. సినిమాలు, టీవీ షోలు, రియాలిటీ షోలకు సంబంధించిన తన రివ్యూలు, అభిప్రాయాలతో ఆయన నెటిజన్లను ఆకట్టుకుంటుంటారు. తాజాగా బిగ్‌బాస్ తెలుగు సీజన్ 10 కంటెస్టెంట్లపై ఆది రెడ్డి ఆసక్తికరమైన హింట్స్ ఇచ్చారు. ఈసారి 10 మంది సెలబ్రిటీలు, 10 మంది కామనర్స్ హౌస్‌లోకి వెళ్లే అవకాశం ఉందని ఆయన అంచనా వేశారు. ఇప్పటికే ‘అగ్నిపరీక్ష సీజన్ 2’కు సంబంధించిన వీడియోలు సోషల్ మీడియాలో వైరల్ అవుతున్నాయి.

ఆది రెడ్డి అంచనా ప్రకారం పల్లవి గౌడ బిగ్‌బాస్ 10లోకి వెళ్లే అవకాశాలు ఎక్కువగా ఉన్నాయి. అలాగే జబర్దస్త్ ఫేమ్ హరి, రాకింగ్ రాకేష్, నూకరాజుల్లో ఒకరు హౌస్‌లోకి వచ్చే అవకాశం ఉందని తెలిపారు. వీరిలో నూకరాజుకు ఎక్కువ అవకాశాలు ఉన్నాయని, అతడిని చూస్తుంటే ఇమ్మాన్యుయేల్ గుర్తుకొస్తున్నాడని అన్నారు. మరోవైపు రాయల్ ఎంసీ రమణ కూడా కంటెస్టెంట్‌గా వచ్చే అవకాశం ఉందని హింట్ ఇచ్చారు. బిగ్‌బాస్ తెలుగు సీజన్ 10 సెప్టెంబర్ మొదటి వారంలో ప్రారంభం కానుండగా, నాగార్జున మరోసారి హోస్ట్‌గా వ్యవహరించనున్నట్లు తెలుస్తోంది.