

అంతర్జాతీయ క్రికెట్ మండలి (ఐసీసీ) 2035 వరకు జరిగే పురుషుల ప్రధాన క్రికెట్ టోర్నీల షెడ్యూల్ను ఖరారు చేసింది. ఆదివారం బాలి వేదికగా జరిగిన ఐసీసీ వార్షిక సర్వసభ్య సమావేశంలో ఈ నిర్ణయం తీసుకున్నారు. ఇందులో భాగంగా 2031 వన్డే ప్రపంచకప్ను భారత్, బంగ్లాదేశ్ సంయుక్తంగా నిర్వహించనున్నాయి. అక్టోబర్ 9 నుంచి నవంబర్ 23 వరకు ఈ టోర్నీ జరగనుంది. క్రికెట్లో అత్యంత ప్రతిష్ఠాత్మకమైన ఈ టోర్నీకి రెండు దేశాలు కలిసి ఆతిథ్యం ఇవ్వనున్నాయి.
2029 అక్టోబర్ 9 నుంచి 28 వరకు ఐసీసీ ఛాంపియన్స్ ట్రోఫీకి భారత్ వేదిక కానుంది. చివరిసారిగా 2006లో భారత్ ఈ టోర్నీకి ఆతిథ్యం ఇచ్చింది. ఇక 2028 టీ20 ప్రపంచకప్ను ఆస్ట్రేలియా, న్యూజిలాండ్ సంయుక్తంగా నిర్వహించనున్నాయి. 2030 టీ20 ప్రపంచకప్కు ఇంగ్లాండ్, ఐర్లాండ్, స్కాట్లాండ్ ఆతిథ్యం ఇవ్వనున్నాయి. ఈ నిర్ణయాలతో రానున్న సంవత్సరాల్లో జరిగే పలు కీలక పురుషుల క్రికెట్ టోర్నీలకు ఆతిథ్య దేశాలు, తేదీలపై స్పష్టత వచ్చింది.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!