టీజీ20 సీజన్-1 విజేతగా హైదరాబాద్ ఈ-ఛాంపియన్స్

హైదరాబాద్‌లోని ఉప్పల్ రాజీవ్ గాంధీ అంతర్జాతీయ క్రికెట్ స్టేడియంలో జరిగిన టీజీ20 సీజన్-1 ఫైనల్లో ఖమ్మం ఏసెస్‌పై విజయం సాధించిన హైదరాబాద్ ఈ-ఛాంపియన్స్ ఛాంపియన్‌గా నిలిచింది. ముగింపు వేడుకలకు తెలంగాణ గవర్నర్ శ్రీ శివ ప్రతాప్ శుక్లా ముఖ్య అతిథిగా హాజరుకాగా, ఉప ముఖ్యమంత్రి భట్టి విక్రమార్కతో కలిసి ఫైనల్ మ్యాచ్‌ను వీక్షించారు.

అనంతరం గవర్నర్ హైదరాబాద్ ఈ-ఛాంపియన్స్‌కు ఛాంపియన్‌షిప్ ట్రోఫీని, ఖమ్మం ఏసెస్‌కు రన్నరప్ ట్రోఫీని అందజేశారు. టోర్నమెంట్‌లో విశేష ప్రతిభ కనబరిచిన ఆటగాళ్లకు పతకాలు, వ్యక్తిగత అవార్డులను ప్రదానం చేశారు. తెలంగాణలో క్రికెట్ అభివృద్ధికి, యువతలో క్రీడాస్ఫూర్తిని పెంపొందించేందుకు ఇటువంటి టోర్నమెంట్లు ఎంతో దోహదపడతాయని గవర్నర్ పేర్కొన్నారు.