చివరి క్షణాల్లో గోల్...జపాన్ అద్భుత పునరాగమనం

ప్రపంచ కప్ 2026 గ్రూప్ ఎఫ్ పోటీలో జపాన్, నెదర్లాండ్స్ జట్లు 2-2తో సమంగా నిలిచాయి. గోల్స్ లేని తొలి అర్ధభాగం తర్వాత 51వ నిమిషంలో వర్జిల్ వాన్ డిజ్క్ గోల్ చేసి నెదర్లాండ్స్‌కు ఆధిక్యం అందించాడు. అయితే 57వ నిమిషంలో కైటో నకమురా అద్భుత గోల్‌తో జపాన్ 1-1తో సమం చేసింది.

తర్వాత 64వ నిమిషంలో క్రైసెన్సియో సమ్మర్‌విల్లే గోల్ చేసి నెదర్లాండ్స్‌ను 2-1తో ముందంజలో నిలిపాడు. మ్యాచ్ ముగియడానికి క్షణాల ముందు జపాన్ పోరాటం ఫలించింది. 89వ నిమిషంలో కోకి ఒగావా హెడర్‌కు డైచి కమడా స్పర్శతో బంతి గోల్‌లోకి వెళ్లడంతో జపాన్ 2-2తో సమం చేసింది. దీంతో ఉత్కంఠభరితంగా సాగిన మ్యాచ్‌లో ఇరు జట్లు చెరో పాయింట్‌ను పంచుకున్నాయి.