భారత్–న్యూజిలాండ్ మూడో వన్డేకు వర్షం అంతరాయం.. ఆలస్యమైన టాస్!

భారత్, న్యూజిలాండ్ జట్ల మధ్య జరుగుతున్న మూడో వన్డేకు వర్షం ఆటంకం కలిగించింది. వర్షం కారణంగా మ్యాచ్ ప్రారంభం ఆలస్యమవుతోంది. ఇప్పటికే పలుమార్లు వాయిదా పడిన టాస్‌ను ఉదయం 7:32 గంటలకు నిర్వహించనున్నట్లు సమాచారం. వాతావరణ పరిస్థితులు అనుకూలించకపోవడంతో మైదానాన్ని సిద్ధం చేసేందుకు సమయం పడుతోంది. దీంతో ఇరు జట్ల అభిమానులు మ్యాచ్ ప్రారంభం కోసం ఎదురుచూస్తున్నారు.

తాజా సమాచారం ప్రకారం.. మ్యాచ్‌ను ఉదయం 8 గంటలకు ప్రారంభించే అవకాశం ఉంది. అయితే వర్షం కారణంగా ఆట సమయం తగ్గితే మ్యాచ్‌ను 50 ఓవర్ల నుంచి 47 ఓవర్లకు కుదించే అవకాశముంది. వాతావరణ పరిస్థితులను బట్టి మ్యాచ్ నిర్వహణపై తుది నిర్ణయం తీసుకోనున్నారు. టాస్, మ్యాచ్ ప్రారంభ సమయాలపై అధికారిక ప్రకటన కోసం అభిమానులు ఆసక్తిగా ఎదురుచూస్తున్నారు.