పవన్ కల్యాణ్ నాలుగో పెళ్లిపై చర్చ..

నటుడు, ఏపీ ఉప ముఖ్యమంత్రి పవన్ కల్యాణ్–అన్నా లెజినోవా దంపతుల విడాకులపై వస్తున్న ప్రచారం ప్రస్తుతం చర్చనీయాంశంగా మారింది. ఈ నేపథ్యంలో పవన్ కల్యాణ్ నాలుగో పెళ్లి చేసుకుంటారా? అనే ప్రశ్న సోషల్ మీడియాలో వైరల్ అవుతోంది. ప్రముఖ జ్యోతిష్యుడు వేణుస్వామి గతంలో చేసిన వ్యాఖ్యలు ఈ చర్చకు మరింత ఆజ్యం పోస్తున్నాయి.

రెండేళ్ల క్రితం ఓ ఛానెల్‌కు ఇచ్చిన ఇంటర్వ్యూలో వేణుస్వామి మాట్లాడుతూ.. పవన్ కల్యాణ్ 2026లో విడాకులు తీసుకుంటారని, అనంతరం నాలుగో పెళ్లి చేసుకుంటారని జోస్యం చెప్పారు. జ్యోతిష్యం ఆధారంగానే ఈ విషయం చెబుతున్నానని ఆయన పేర్కొన్నారు. అయితే, అప్పట్లో జర్నలిస్ట్ ఆయన అంచనాలను ప్రశ్నించినప్పటికీ తన వ్యాఖ్యలకు కట్టుబడి ఉన్నట్లు వేణుస్వామి తెలిపారు. ప్రస్తుతం విడాకులపై ప్రచారం నేపథ్యంలో ఆ పాత ఇంటర్వ్యూ వీడియో మళ్లీ వైరల్ అవుతోంది. పవన్ నాలుగో పెళ్లి చేసుకుంటారంటూ నెటిజన్లు చర్చించుకుంటున్నారు. అయితే, విడాకులు లేదా మరో పెళ్లిపై పవన్ కల్యాణ్ నుంచి అధికారిక ప్రకటన వెలువడలేదు.