మీ ప్రొఫైల్.. మీ స్టైల్.. కొత్త ఫీచర్‌తో ఇన్‌స్టాగ్రామ్

ఇన్‌స్టాగ్రామ్ వినియోగదారులు ఎంతోకాలంగా ఎదురుచూస్తున్న గ్రిడ్ రీఆర్డరింగ్ ఫీచర్‌ను మెటా ప్రపంచవ్యాప్తంగా అందుబాటులోకి తీసుకొచ్చింది. ఈ ఫీచర్ ద్వారా వినియోగదారులు తమ పోస్టులు ఎప్పుడు ప్రచురించబడినా వాటిని ప్రొఫైల్ గ్రిడ్‌లో తమకు నచ్చిన స్థానాలకు మార్చుకునే అవకాశం పొందుతున్నారు.

“పిన్ టు మెయిన్ గ్రిడ్”, “ఆర్కైవ్” వంటి ఇప్పటికే ఉన్న ఎంపికలతో పాటు ఇప్పుడు “రీఆర్డర్ గ్రిడ్” అనే కొత్త ఆప్షన్‌ను కూడా అందుబాటులోకి తీసుకువచ్చారు. దీని ద్వారా పోస్టులను డ్రాగ్ చేసి కావాల్సిన క్రమంలో అమర్చుకోవచ్చు. అయితే పిన్ చేసిన పోస్టులు మాత్రం పైభాగంలోనే స్థిరంగా ఉంటాయి. కంటెంట్ క్రియేటర్లు, వ్యాపార సంస్థలు, సాధారణ వినియోగదారులు తమ ప్రొఫైల్‌ను మరింత ఆకర్షణీయంగా రూపొందించుకోవడానికి ఈ ఫీచర్ ఉపయోగపడనుంది.